2014 പ്രതീക്ഷയുടെ കാലം ; 2019 ആഗ്രഹങ്ങളുടെ കാലം എന്നും അമിത് ഷാ
![](https://www.newswings.online/wp-content/uploads/2019/04/AMITH-SHA.jpg)
എൻഡിഎയുടെ നേതൃത്വത്തിലുള്ള കഴിഞ്ഞ അഞ്ചു വർഷത്തെ ഭരണം സുവർണ ലിപികളിൽ എഴുതപ്പെടുമെന്ന് ബിജെപി ദേശീയ അധ്യക്ഷൻ അമിത്ഷാ. ബിജെപിയുടെ പ്രകടന പത്രിക പുറത്തിറക്കുന്ന ചടങ്ങിൽ സംസാരിക്കുകയായിരുന്നു അദ്ദേഹം.
2014 പ്രതീക്ഷയുടെ കാലമാണെങ്കിൽ 2019 ആഗ്രഹങ്ങളുടെ കാലമാണെന്നും മോദിയുടെ ഭരണത്തിൽ രാജ്യത്തിന്റെ അഭിമാനം വാനോളം ഉയർന്നുവെന്നും അമിതഷാ കൂട്ടിച്ചേർത്തു. മോദി സർക്കാരിന്റെ കാലത്ത് രാജ്യത്തിന്റെ അതിർത്തി സുരക്ഷിതമായതായും അദ്ദേഹം പറഞ്ഞു.
ആറു കോടി ജനങ്ങളുടെ അഭിപ്രായമറിഞ്ഞാണ് പ്രകടന പത്രിക തയാറാക്കിയതെന്നും അമിത്ഷാ വ്യക്തമാക്കി. “സങ്കൽപ് പത്ര’ എന്ന് പേരിട്ടിരിക്കുന്ന പ്രകടന പത്രികയാണ് തിങ്കളാഴ്ച ഡൽഹിയിൽ നടന്ന ചടങ്ങിൽ പ്രധാനമന്ത്രി നരേന്ദ്ര മോദി പുറത്തിറക്കിയത്.