ഡൽഹിയിൽ ഇരുനില ബസ് അപകടത്തിൽപെട്ടു ; 8 പേർ മരിച്ചു
ഡൽഹിയിൽ ഇരുനില ബസ് ട്രക്കിൽ ഇടിച്ചുകയറി ഉണ്ടായ അപകടത്തിൽ എട്ട് പേർ മരിച്ചു. സംഭവത്തിൽ 30 പേർക്ക് പരിക്കേറ്റു. വെള്ളിയാഴ്ച പുലർച്ചെ യമുന എക്സ്പ്രസ്വേയിലായിരുന്നു അപകടം.
ആഗ്രയിൽനിന്നും ഡൽഹിയിലേക്ക് തിരിച്ചുവരുകയായിരുന്ന ബസ് ബ്രേക്ക് നഷ്ടപ്പെട്ടതിനെ തുടർന്ന് ഒരേ ദിശയിൽ സഞ്ചരിച്ച ട്രക്കിൽ ഇടിച്ചുകയറുകയായിരുന്നു. പുലർച്ചെ അഞ്ചോടെയാണ് സംഭവം. അപകടത്തിൽ പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു.