ലോക്സഭാ തിരഞ്ഞെടുപ്പ് ; സംസ്ഥാനത്ത് ഇടത് അനുകൂല സാഹചര്യം – കോടിയേരി…
സംസ്ഥാനത്ത് ഇടതു മുന്നണിക്ക് അനുകൂലമായ രാഷ്ട്രീയ സാഹചര്യമാണുള്ളതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ലോക്സഭാ വിജയം സംബന്ധിച്ച അഭിപ്രായ സർവേ ഫലം അപ്രസക്തമാണ്. തദ്ദേശ സ്വയംഭരണ സ്ഥാപനങ്ങളിലേക്ക് നടന്ന ഉപതെരഞ്ഞെടുപ്പിന്റെ ഫലം ഇതിന് തെളിവാണെന്നും കോടിയേരി പറഞ്ഞു.
ഇടത് സർക്കാർ വന്നതിന് ശേഷം ഉപതെരഞ്ഞെടുപ്പുകളിൽ സിപിഎമ്മിന് വോട്ട് വർധിച്ചു. മലപ്പുറം ലോക്സഭ, ചെങ്ങന്നൂർ നിയമസഭ മണ്ഡലങ്ങളിൽ വോട്ട് ഗണ്യമായി കൂടി. തദ്ദേശസ്ഥാപനങ്ങളിലും ഇടത് മുന്നേറ്റമാണ്. ഇത് എൽഡിഎഫിന് ആത്മവിശ്വാസം പകരുന്നതായും അദ്ദേഹം പറഞ്ഞു.