പിണറായിക്കും ശൈലജ ടീച്ചര്ക്കും അഭിമാനിക്കാം: പി.കെ കുഞ്ഞാലിക്കുട്ടി
നിപ്പാ വൈറസ് ബാധക്കെതിരെ സംസ്ഥാന ആരോഗ്യ വകുപ്പിന്റെ മേല്നോട്ടത്തില് നടത്തിയ പ്രവര്ത്തനങ്ങള് അഭിനന്ദനാര്ഹമാണെന്ന് പികെ. കുഞ്ഞാലിക്കുട്ടി എംപി. അതിന് പിന്നില് പ്രവര്ത്തിച്ച മുഖ്യമന്ത്രി പിണറായി വിജയനും, ആരോഗ്യ മന്ത്രി ശൈലജ ടീച്ചര്ക്കും, ആരോഗ്യ വകുപ്പ് ഉദ്യോഗസ്ഥര്ക്കും, കോഴിക്കോട് മെഡിക്കല് കോളജിലേയും, മറ്റ് സര്ക്കാര് ആശുപത്രികളിലേയും, സ്വകാര്യ ആശുപത്രികളിലേയും ഡോക്ടര്മാര്ക്കും, ജീവനക്കാര്ക്കും, കോഴിക്കോട്, മലപ്പുറം ജില്ലയിലെ പ്രബുദ്ധരായ ജനങ്ങള്ക്കും ഹൃദയം നിറഞ്ഞ അഭിനന്ദനങ്ങള് അദ്ദേഹം അറിയിച്ചു.
നിപ്പാ വിഷയത്തില് രാഷ്ട്രീയം കാണാതെ സര്ക്കാരിനൊപ്പം നിന്ന പ്രതിപക്ഷ നേതാവ് ശ്രീ രമേശ് ചെന്നിത്തല, ഇടത്-വലത് മുന്നണി ഘടകകക്ഷി നേതാക്കള്, പ്രവര്ത്തകര്, സാമൂഹിക-സന്നദ്ധ-സാംസ്കാരിക നേതാക്കള്, മാധ്യമ പ്രവര്ത്തകര് അടക്കം ഏവര്ക്കും ഈ പേമാരിയെ കീഴടക്കാനായതില് അഭിമാനിക്കാമെന്നും അദ്ദേഹം ഫെയ്സ്ബുക്കില് കുറിച്ചു.
അന്ധമായ രാഷ്ട്രീയ വിരോധം ശ്രീ ഇ എം എസ് നമ്പൂതിരിപ്പാട് സര്ക്കാരിന്റെ കാലം മുതല് പടിക്ക് പുറത്ത് നിറുത്താനായതാണ് കേരളത്തെ ഇന്ത്യയിലെ മറ്റ് സംസ്ഥാനങ്ങളില് നിന്ന് മികച്ചതാക്കിയതും, ലോക രാജ്യങ്ങള്ക്ക് തുല്യമായ വികസനം സാധ്യമാക്കുന്നതില് നിര്ണായകമായതും. പലവട്ടം രാഷ്ട്രീയ അഭിപ്രായ വ്യത്യാസം മറന്ന് കേരളം ഒന്നിച്ച് നിന്നിട്ടുണ്ട്. കേരളമെന്ന വികാരത്തിനായി ജാതി-മത-രാഷ്ട്രീയ ഭേദമന്യേ കൈകോര്ത്തിട്ടുണ്ട്. അതില് അവസാനത്തേതാണ് നിപ്പാ എന്ന മാരകവ്യാധിയെ പ്രതിരോധിച്ചതിലൂടെ നാം കൈവരിച്ചതെന്നും അദ്ദേഹം വ്യക്തമാക്കി.
പക്ഷേ കേരളം ഇനിയും കരുതിയിരിക്കേണ്ടിയിരിക്കുന്നു. ഇത്തരം ഭീതി പരത്തുന്ന രോഗങ്ങള്ക്കെതിരെ. കെടുതിയായി നമ്മളെ വേട്ടയാടുന്ന പകര്ച്ചവ്യാധികള്ക്കെതിരെ. ഇനി ഇതിനെതിരെയാകട്ടെ നമ്മുടെ പോരാട്ടമെന്നും കുഞ്ഞാലിക്കുട്ടി ആഹ്വാനം ചെയ്ത