ബിജെപി ജനവിധിയെ പണവും മസിൽ പവറും ഉപയോഗിച്ച് അനുകൂലമാക്കുന്നു : രാഹുൽ ഗാന്ധി
പണവും മസിൽ പവറും ഉപയോഗിച്ച് ബിജെപി ജനവിധി അനുകൂലമാക്കുന്നുവെന്ന് കോൺഗ്രസ് അധ്യക്ഷൻ രാഹുൽ ഗാന്ധി. കർണാടകയിൽ സർക്കാർ രൂപീകരിക്കാൻ യെദിയൂരപ്പയെ വിളിച്ച ഗവർണറുടെ നിലപാട് ഭരണഘടനാ വിരുദ്ധമാണെന്ന കോൺഗ്രസിന്റെ നിലപാടിന് അനുകൂലമാണ് സുപ്രീംകോടതി വിധിയെന്നും അദ്ദേഹം പറഞ്ഞു.
ഭൂരിപക്ഷമില്ലാതിരുന്നിട്ടും സർക്കാർ രൂപീകരിക്കുമെന്ന ബിജെപിയുടെ ഭോഷ്കിനെ കോടതി വെല്ലുവിളിച്ചിരിക്കുകയാണെന്നും രാഹുൽ ട്വീറ്റ് ചെയ്തു.