വി മുരളീധരന് രാജ്യസഭാംഗമായി സത്യപ്രതിജ്ഞ ചെയ്തു
ബിജെപിയുടെ മുന് സംസ്ഥാന അധ്യക്ഷനും മുതിര്ന്ന നേതാവുമായ വി മുരളീധരന് രാജ്യസഭാംഗമായി സത്യപ്രതിജ്ഞ ചെയ്തു. രാജ്യസഭാ അധ്യക്ഷന് കൂടിയായ ഉപരാഷ്ട്രപതി വെങ്കയ്യ നായിഡു സത്യവാചകം ചൊല്ലിക്കൊടുത്തു.മഹാരാഷ്ട്രയില്നിന്നാണ് ഇദ്ദേഹം രാജ്യസഭയിലേക്ക് തെരഞ്ഞെടുക്കപ്പെട്ടത്. മുരളീധരന് ഹിന്ദിയിലാണ് സത്യവാചകം ചൊല്ലിയത്.ബിജെപി സംസ്ഥാന അധ്യക്ഷന് കുമ്മനം രാജശേഖരന് അടക്കമുള്ള നേതാക്കള് സത്യപ്രതിജ്ഞ ചടങ്ങില് പങ്കെടുക്കാന് എത്തിയിരുന്നു .മലയാളി കൂടിയായ രാജീവ് ചന്ദ്രശേഖറും സത്യപ്രതിജ്ഞ ചെയ്ത് എംപി ആയി സ്ഥാനമേറ്റു. കര്ണാടകയില്നിന്നാണ് അദ്ദേഹം രാജ്യസഭയിലേക്ക് തെരഞ്ഞെടുക്കപ്പെട്ടത്.