ഒൻപത് ജില്ലകളെ വരള്ച്ചാബാധിതമായി പ്രഖ്യാപിക്കും
സംസ്ഥാനത്തെ ഒൻപത് ജില്ലകളെ വരള്ച്ചാബാധിതമായി പ്രഖ്യാപിക്കാന് സര്ക്കാര് തീരുമാനിച്ചു. ആലപ്പുഴ, ഇടുക്കി, തൃശ്ശൂര്, പാലക്കാട്, കോഴിക്കോട്, വയനാട്, മലപ്പുറം, കണ്ണൂര്, കാസര്ഗോഡ് ജില്ലകളെയാണ് വരള്ച്ചാബാധിത പ്രദേശങ്ങളായി പ്രഖ്യാപിക്കാന് സംസ്ഥാന ദുരന്തനിവാരണ അതോറിറ്റി തീരുമാനിച്ചത്.
മഴയുടെ കുറവ്, ഉപരിതല ജലത്തിന്റെയും ഭൂജലത്തിന്റെയും ലഭ്യതക്കുറവ്, ഉപ്പുവെള്ളത്തിന്റെ കടന്നുകയറ്റം മുതലായ സൂചികകള് കണക്കിലെടുത്താണ് ജില്ലകളെ വരള്ച്ചാബാധിതമായി പ്രഖ്യാപിക്കുന്നത്.
വരള്ച്ചാബാധിത ജില്ലകളില് കുടിവെള്ള വിതരണത്തിന് അടിയന്തര നടപടികള് ഉണ്ടാകും. ടാങ്കറുകള് ഉപയോഗിച്ച് വാട്ടര് കിയോസ്ക്കുകളില് വെള്ളം എത്തിക്കും. കുടിവെള്ളം എത്തിക്കുന്നതിന് തദേശസ്വയംഭരണ വകുപ്പ് അനുവദിച്ച പണം ലഭ്യമല്ലാത്ത സാഹചര്യത്തില് സംസ്ഥാന ദുരന്തപ്രതികരണ നിധിയില് നിന്നും പണം ഉപയോഗിക്കാവുന്നതാണ്.