ലോങ്ങ് മാർച്ചിന് മുന്നിൽ മുട്ട് മടക്കി സർക്കാർ: കർഷകർ സമരം ഐതിഹാസിക വിജയം
സി.പി.ഐ.എമ്മിന്റെ കര്ഷക സംഘടനയായ അഖിലേന്ത്യാ കിസാന് സഭയുടെ നേതൃത്വത്തില് നടക്കുന്ന ലോങ് മാര്ച്ചിനെ തുടര്ന്ന് ബിജെപി സര്ക്കാര് അടിയറവ് പറയുന്നു. മുഖ്യമന്ത്രി ദേവേന്ദ്ര ഫട്നാവിസുമായി കര്ഷക പ്രതിനിധികള് നടത്തിയ കൂടിക്കാഴ്ചയില് ലഭിച്ച ഉറപ്പുകളുടെ അടിസ്ഥാനത്തിലാണ് പ്രക്ഷോഭം അവസാനിപ്പിക്കുന്നതെന്നാണ് റിപ്പോര്ട്ട്. ആദിവാസികളുടെ ഭൂമി പ്രശ്നം അടിയന്തരമായി പരിഗണിക്കാമെന്നും വനഭൂമിയുമായി ബന്ധപ്പെട്ട പ്രശ്നങ്ങള് ആറുമാസത്തിനകം സര്ക്കാര് പരിഹരിക്കുമെന്നും ഫട്നാവിസ് കര്ഷക നേതാക്കള്ക്ക് ഉറപ്പ് നല്കി.
ആദിവാസി മേഖലയില് വിവാദമായഭൂമി ഏറ്റെടുക്കല് ചീഫ് സെക്രട്ടറിയുടെ നേതൃത്വത്തിലുള്ള പ്രത്യേക സംഘം പുനഃപരിശോധിക്കും. റേഷന് കാര്ഡുമായി ബന്ധപ്പെട്ട പൊരുത്തക്കേടുകള് കണ്ടെത്തി ആറുമാസത്തിനുള്ളില് പുതിയ ബി.പി.എല് റേഷന് കാര്ഡുകള് വിതരണം ചെയ്യുമെന്നും മഖ്യമന്ത്രി വ്യക്തമാക്കി.
സെക്രട്ടേറിയറ്റില് നടന്ന കൂടിക്കാഴ്ചയില് സമരക്കാരുടെ അഞ്ചു പ്രതിനിധികളാണ് പങ്കെടുത്തത്.