ടി.പി. ഒരിക്കലും സിപിഎം വിരുദ്ധനായിരുന്നില്ല: കോടിയേരി
ടി.പി.ചന്ദ്രശേഖരൻ ഒരിക്കലും സിപിഎം വിരുദ്ധനായിരുന്നില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സിപിഎം നശിച്ചുകാണാൻ ടി.പി ഒരിക്കലും ആഗ്രഹിച്ചിരുന്നില്ലെന്നും പ്രശ്നങ്ങൾ തീർന്നാൽ സിപിഎമ്മിനോട് അടുക്കണമെന്നു ടി.പി ആഗ്രഹിച്ചിരുന്നെന്നും കോടിയേരി പറഞ്ഞു.
ആർഎംപിയെ കോണ്ഗ്രസ് കൂടാരത്തിലെത്തിക്കാൻ ടി.പി ആഗ്രഹിച്ചിരുന്നില്ലെന്നും ഇന്ന് ആർഎംപി കെ.കെ.രമയുടെ മാത്രം പാർട്ടിയായി മാറിയിരിക്കുകയാണെന്നും കോടിയേരി കുറ്റപ്പെടുത്തി.വടകര ഓര്ക്കാട്ടേരിയില് നടന്ന രാഷ്ട്രീയ വിശദീകരണ യോഗത്തിൽ സംസാരിക്കുകയായിരുന്നു കോടിയേരി