ശുഹൈബ് വധം: പ്രതികളെ സംരക്ഷിക്കുന്നത് സി പി എം തുടരുമെന്ന് കെ.സുധാകരൻ
യൂത്ത് കോണ്ഗ്രസ് പ്രവർത്തകൻ ശുഹൈബിനെ വെട്ടിക്കൊലപ്പെടുത്തിയ കേസിലെ പ്രതികളെ പാർട്ടിയിൽനിന്നു പുറത്താക്കിയ സിപിഎം നടപടിയെ വിമർശിച്ച് കോണ്ഗ്രസ് നേതാവ് കെ.സുധാകരൻ. പ്രതികളെ പുറത്താക്കിയ സിപിഎം നടപടി ആത്മാർഥതയില്ലാത്തതാണെന്നും പ്രതികൾ ഇനിയും പാർട്ടി സംരക്ഷണയിൽ തുടരുമെന്നും സുധാകരൻ കുറ്റപ്പെടുത്തി. കോണ്ഗ്രസ് സമരത്തിന്റെ ഭാഗമായി പാർട്ടി സമ്മർദത്തിലായതിനാലാണ് സിപിഎം നടപടിയെടുത്തതെന്നും സുധാകരൻ കൂട്ടിച്ചേർത്തു.
യൂത്ത് കോണ്ഗ്രസ് നേതാവ് എടയന്നൂരിലെ ശുഹൈബിനെ വെട്ടിക്കൊലപ്പെടുത്തിയ കേസിലെ പ്രതികളായ നാലു പ്രവർത്തകരെയാണു സിപിഎം പുറത്താക്കിയത്.