യുവനിരയ്ക്ക് പ്രാതിനിധ്യം നൽകി സി പി എം കണ്ണൂര് ജില്ല സെക്രട്ടറിയേറ്റ്
യുവനിരയ്ക്ക് പ്രാതിനിധ്യം നൽകി 11 അംഗ സെക്രട്ടറിയേറ്റിനെയാണ് തെരഞ്ഞെടുത്തത്. നിലവിലെ അംഗങ്ങളായ സി. കൃഷ്ണൻ, വി. നാരായണൻ, ഒ.വി. നാരായണൻ, കെ.എം. ജോസഫ്, കെ.കെ. നാരായണൻ എന്നിവരെ ഒഴിവാക്കി. ജില്ലാ സെക്രട്ടറിയേറ്റ് അംഗമായ ടി. കൃഷ്ണനെ നേരത്തെ ഒഴിവാക്കിയിരുന്നു.
ഇന്നു രാവിലെ സിപിഎം കണ്ണൂർ ജില്ലാ കമ്മിറ്റിയംഗം എം.വി. ജയരാജന്റെ അധ്യക്ഷതയിൽ ചേർന്ന യോഗമാണ് അംഗങ്ങളെ തെരഞ്ഞെടുത്തത്. പി. ജയരാജന്, എം. പ്രകാശന്, എം. സുരേന്ദ്രന്, വത്സന് പനോളി, എന്. ചന്ദ്രന്, കാരായി രാജന് എന്നിവർ ജില്ലാ സെക്രട്ടറിയേറ്റ് അംഗങ്ങളായി തുടരും. ടി.ഐ. മധുസൂദനന്, പി. ഹരീന്ദ്രന്, ടി.കെ. ഗോവിന്ദന് മാസ്റ്റര്, പി. പുരുഷോത്തമന്, പി.വി. ഗോപിനാഥ് എന്നിവരാണ് പുതുതായി തെരഞ്ഞെടുക്കപ്പെട്ട സെക്രട്ടറിയേറ്റ് അംഗങ്ങള്.