തുഷാറിനെ തഴഞ്ഞു ,ബി.ജെ.പി രാജ്യസഭ സീറ്റ് വി.മുരളീധരന്
ബി.ഡി.ജെ.എസ് പാര്ട്ടിയുടെ രാജ്യസഭാ സീറ്റിനായുള്ള അവകാശവവാദം ബിജെപി കേന്ദ്രനേതൃത്വം തള്ളി.തുഷാര് വെള്ളാപ്പള്ളിക്ക് രാജ്യസഭാ സീറ്റ് നല്കുന്നതിനെതിരെ ബി.ജെ.പി സംസ്ഥാന ഘടകത്തില് ഉയർന്നു വന്ന അതൃപ്തിയെ തുടര്ന്നാണ് പുതിയ നീക്കം. പകരം കേരളത്തില് നിന്നും ബിജെപി നേതാവ് വി.മുരളീധരനെ എംപിയാക്കാനുള്ള നീക്കം ആരംഭിച്ചു.
പാര്ട്ടിയിലെ മുതിര്ന്ന നേതാക്കളെ പോലും അവഗണിച്ച് പദവികള് വീതം വെക്കുന്നതിനെതിരെ ഒരു വിഭാഗം നേതാക്കള് കേന്ദ്രനേതൃത്വത്തിന് പരാതി നല്കിയിരുന്നു.
രണ്ട് എംപിമാരെയും ഒരു കേന്ദ്രമന്ത്രിയെയും േകരളത്തിന് നല്കിയെങ്കിലും പാര്ട്ടിയിലെ സജീവ നേതാക്കളെ അവഗണിച്ചതാണ് പ്രധാന പ്രശ്നം. തുഷാര്വെള്ളാപ്പള്ളിക്ക് എംപി സ്ഥാനം നല്കിയാല് പാര്ട്ടിവിടുമെന്ന ഭീഷണിയും ചില നേതാക്കള് ഉയര്ത്തിയിട്ടുണ്ട്.
നാല് വര്ഷമായി വാഗ്ദാനം ചെയ്ത പദവികള് ഇനിയും നല്കിയിട്ടില്ലെങ്കില് മുന്നണി വിടാനുള്ള തീരുമാനത്തില് ഉറച്ചുനില്ക്കുകയാണ് ബിഡിജെഎസ്.പതിനാലം തിയ്യതി നടക്കുന്ന സംസ്ഥാന നേതൃയോഗത്തില് മുന്നണി ബന്ധം പുനപരിശോധിക്കുമെന്നും ബിഡിജെഎസ് വ്യക്തമാക്കിയിട്ടുണ്ട്