കുട്ടികളെ തട്ടിക്കൊണ്ടുപോകുന്നു എന്നാരോപിച്ച് കണ്ണൂരില് ബിഹാര് സ്വദേശിയെ ക്രൂരമായി മര്ദിച്ചു
കണ്ണൂര് മാനന്തേരിയില് ബീഹാര് സ്വദേശിയായ യുവാവിനെ നാട്ടുകാര് കൂട്ടമായി മര്ദിച്ചു. കുട്ടികളെ തട്ടിക്കൊണ്ടുപോകാന് ശ്രമിച്ചെന്നാരോപിച്ചാണ് ചോട്ടു എന്ന പേരുള്ള ബിഹാര് സ്വദേശിയെ നാട്ടുകാര് ക്രൂരമായി മര്ദിച്ചത്.
യുവാവിനെ അക്രമിക്കുന്ന ദൃശ്യങ്ങള് പകര്ത്തി കുട്ടികളെ കടത്തുന്നയാളെ പിടികൂടി എന്ന തരത്തില് സാമൂഹിക മാധ്യമങ്ങളില് പോസ്റ്റ് ചെയ്തിരുന്നു. ഒരു കുട്ടിക്ക് നാല് ലക്ഷം രൂപ വരെ വില ലഭിക്കും എന്ന തരത്തിലുള്ള വിവരങ്ങളാണ് ഇയാളെ നാട്ടുകാര് ചോദ്യം ചെയ്തതില് നിന്നും ലഭിച്ചതെന്നും സാമൂഹിക മാധ്യമങ്ങളില് പറയുന്നുണ്ട്. മര്ദ്ദിച്ചതിന് ശേഷം യുവാവിനെ കണ്ണവം പൊലീസ് സ്റ്റേഷനില് എത്തിക്കുകയായിരുന്നു.
എന്നാല് കുട്ടികളെ തട്ടിക്കൊണ്ടുപോകാന് ശ്രമിച്ചതിന് തെളിവൊന്നും ലഭിച്ചില്ലെന്ന് യുവാവിനെ ചോദ്യം ചെയ്ത പൊലീസ് അറിയിച്ചു. പരസ്പരം ബന്ധമില്ലാതെ സംസാരിച്ച ഇയാള്ക്ക് മാനസിക രോഗമുള്ളതായി സംശയിക്കുന്നുണ്ടെന്നും പൊലീസ് പറഞ്ഞു. യുവാവിെന്റ കയ്യില് നിന്നും കണ്ണാടിപറമ്പ് സ്വദേശിയുടെ എ.ടി.എം കാര്ഡ്, ഒരു ആധാര് കാര്ഡിെന്റ കോപി എന്നിവ ലഭിച്ചതായും പൊലീസ് കൂട്ടിച്ചേര്ത്തു.