ക്രിസ്തുമസ് പുതുവത്സര ആഘോഷം : മദ്യ വില്പനയില്‍ റെക്കോര്‍ഡ്‌
ക്രിസ്മസ്-പുതുവത്സര ആഘോഷങ്ങളുടെ ഭാഗമായി സംസ്ഥാനത്ത് മദ്യവില്പനയിൽ വൻ വർധന. 480.14 കോടി രൂപയുടെ മദ്യമാണ് ബെവ്കോ വിറ്റഴിച്ചത്. മുൻ വർഷം 402.35 കോടി ആയിരുന്ന സ്ഥാനത്തു നിന്നാണ് ഈ വർധന. പുതുവത്സര ദിനത്തിൽ ഉച്ചവരെയുള്ള കണക്കുകളാണിത്.
ക്രിസ്മസിന് മാത്രം മലയാളി കുടിച്ചത് 313.63 കോടി രൂപയുടെ മദ്യമായിരുന്നു. ക്രിസ്മസ് ദിനത്തിനു തലേന്നുള്ള മൂന്നു ദിവസത്തെ കണക്കു പ്രകാരമായിരുന്നു ഇത്. ക്രിസ്മസിനു തൊട്ടുമുന്നത്തെ ദിവസം മാത്രം 157.05 കോടി രൂപയുടെ മദ്യം ബെവ്കോ വിറ്റഴിച്ചു. കഴിഞ്ഞ വർഷം ക്രിസ്മസ് മദ്യവിൽപ്പന 256.01 കോടി രൂപയുടേതായിരുന്നു.
