നെടുമങ്ങാട് ദമ്പതികള്‍ തൂങ്ങിമരിച്ച നിലയില്‍
നെടുമങ്ങാട് കല്ലറയില്‍ ദമ്പതികളെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി. മുളമുക്കല്‍ സ്വദേശി കൃഷ്ണന്‍ ആചാരി(63) ഭാര്യ വസന്തകുമാരി(58) എന്നിവരാണ് മരിച്ചത്. ഇവര്‍ മകനൊപ്പമാണ് താമസിച്ചിരുന്നത്. പുതുവത്സര ആഘോഷത്തിനായി ഇയാള്‍ ബന്ധുവീട്ടില്‍ പോയിരിക്കുകയായിരുന്നു. ഇന്ന് രാവിലെ ഇവരെ ഫോണില്‍ വിളിച്ചിട്ട് കിട്ടാത്തതിനെ തുടര്‍ന്ന് മകന്‍ അയല്‍വാസികളെ വിവരം അറിയിച്ചു.ഇവര്‍ എത്തി നടത്തിയ പരിശോധനയിലാണ് ഇരുവരെയും മരിച്ച നിലയില്‍ കണ്ടെത്തിയത്. സംഭവത്തില്‍ പോലീസ് അസ്വാഭാവിക മരണത്തിന് കേസെടുത്തു.
