പാർലമെന്‍റ് ഇന്നും പ്രക്ഷുബ്ധം: ഇരുസഭകളും തടസപ്പെട്ടു
പന്ത്രണ്ട് എംപിമാരുടെ സസ്പെൻഷൻ പിൻവലിക്കണമെന്ന് ആവശ്യപ്പെട്ടുള്ള പ്രതിപക്ഷ ബഹളത്തിൽ ഇന്നും പാർലമെന്‍റ് പ്രക്ഷുബ്ധം. ലോക്സഭയും രാജ്യസഭയും തടസപ്പെട്ടു. സസ്പെൻഷൻ നടപടി പിൻവലിക്കണമെന്ന് ആവശ്യപ്പെട്ട് പ്രതിപക്ഷ അംഗങ്ങൾ നടുത്തളത്തിലിറങ്ങി ബഹളം വച്ചു. ഇതേ തുടർന്ന് ലോക്സഭ ഉച്ചയ്ക്ക് 12 വരെയും രാജ്യസഭ രണ്ടു മണിവരെയും നിർത്തിവച്ചു. ഇതിനിടെ, സസ്പെൻഷനിലായ എംപിമാർ പാർലമെന്‍റ് വളപ്പിലെ ഗാന്ധി പ്രതിമയ്ക്ക് മുന്നിൽ ധർണ ഇരിക്കുകയാണ്. വിഷ‍യത്തിൽ മാപ്പു പറഞ്ഞുള്ള ഒത്തുതീർപ്പിന് ഇല്ലെന്നാണ് പ്രതിപക്ഷ നിലപാട്.
