എന്.ഡി.എയില് ചേരാന് സി.കെ ജാനുവിന് കെ.സുരേന്ദ്രന് 10 ലക്ഷം നല്കിയെന്ന് ആരോപണം
സികെ ജാനുവിന് ബിജെപി സംസ്ഥാന അധ്യക്ഷൻ കെ സുരേന്ദ്രൻ 10 ലക്ഷം രൂപ നൽകിയെന്ന് ജനാധിപത്യ രാഷ്ട്രീയ പാർട്ടി സംസ്ഥാന ട്രഷറർ പ്രസീത അഴീക്കോട്. കണ്ണൂരിൽ വാർത്താ സമ്മേളനം നടത്തിയാണ് അവർ ആരോപണം ഉന്നയിച്ചത്.
എന്.ഡി.എയില് ചേരാന് 10 കോടി രൂപയാണ് സി.കെ. ജാനു ബി.ജെ.പി.യോട് ആവശ്യപ്പെട്ടത് എന്നാല് കെ. സുരേന്ദ്രന് ജാനുവിന് 10 ലക്ഷം രൂപ നല്കിയെന്നും അവര് വാര്ത്താസമ്മേളനത്തില് പറഞ്ഞു.
10 കോടി രൂപയും പാര്ട്ടിക്ക് അഞ്ച് നിയമസഭ സീറ്റും കേന്ദ്രമന്ത്രി സ്ഥാനവുമാണ് സി.കെ. ജാനു ആവശ്യപ്പെട്ടത്. എന്നാല് കോട്ടയത്തെ കൂടിക്കാഴ്ച്ചയില് സുരേന്ദ്രന് ഇവ അംഗീകരിച്ചില്ല. പിന്നീടാണ് സാമ്ബത്തിക ബുദ്ധിമുട്ട് പറഞ്ഞ് 10 ലക്ഷം രൂപ ആവശ്യപ്പെട്ടതെന്നും പ്രസീത ആരോപിച്ചു.
പ്രസീതയും ബി.ജെ.പി. സംസ്ഥാന അധ്യക്ഷന് കെ.സുരേന്ദ്രനും തമ്മിലുള്ള ഫോണ് സംഭാഷണവും പുറത്തുവന്നിട്ടുണ്ട്.
സിപി ഐഎമ്മില് ഉണ്ടായിരുന്ന സമയത്ത് ഉണ്ടായിരുന്ന ബാധ്യതകള് തീര്ക്കാനാണ് പണം എന്നും പ്രസീത സുരേന്ദ്രനോട് പറയുന്നു.
ഒപ്പം ശബ്ദ സന്ദേശത്തില് ആറാം തിയ്യതി മുഴുവന് പണവും നല്കാമെന്നും തിരുവനന്തപുരത്ത് എത്താനുമാണ് സുരേന്ദ്രന് പറയുന്നത്. തങ്ങള് തിരുവനന്തപുരത്ത് ഉണ്ടാവുമെന്നും സുരേന്ദ്രന് പ്രസീതയോടെ ശബ്ദസന്ദേശത്തില് പറയുന്നു.