തലശേരിയില്‍ മനഃസാക്ഷി വോട്ട് തള്ളി വി. മുരളീധരന്‍: ബി.ജെ.പി പിന്തുണ സി.ഒ.ടി നസീറിന്
തലശേരിയില്‍ മനസാക്ഷി വോട്ടിന് പ്രവര്‍ത്തകരോട് ആഹ്വാനം ചെയ്ത ബിജെപി കണ്ണൂര്‍ ജില്ലാ നേതൃത്വത്തെ തള്ളി കേന്ദ്രമന്ത്രി വി. മുരളീധരന്‍. ബിജെപി പിന്തുണ സ്വതന്ത്ര സ്ഥാനാര്‍ഥി സി.ഒ.ടി നസീറിന് തന്നെയെന്ന് മുരളീധരന്‍ പറഞ്ഞു.
തലശേരിയില്‍ എന്‍ഡിഎയ്ക്ക് സ്ഥാനാര്‍ത്ഥി ഇല്ലാത്ത സാഹചര്യത്തിലാണ് മനഃസാക്ഷി വോട്ട് ആഹ്വാനവുമായി ബി.ജെ.പി രംഗത്തെത്തിയത്. എല്‍.ഡി.എഫിനും യു.ഡി.എഫിനും ഒഴികെ ആര്‍ക്കും വോട്ട് ചെയ്യാമെന്നാണ് ബിജെപി കണ്ണൂര്‍ ജില്ലാ പ്രസിഡന്റ് കെ. കെ വിനോദ് കുമാര്‍ പറഞ്ഞത്. സ്വതന്ത്ര സ്ഥാനാര്‍ത്ഥി സി.ഒ.ടി നസീറിന് ബി.ജെ.പി പിന്തുണ പ്രഖ്യാപിച്ചിരുന്നെങ്കിലും സി.ഒ.ടി നസീര്‍ തന്നെ ഇത് പിന്‍വലിച്ചിരുന്നു.
നാമനിര്‍ദേശ പത്രിക തള്ളിയതിനെ തുടര്‍ന്നാണ് തലശ്ശേരിയില്‍ ബി.ജെ.പി സ്ഥാനാര്‍ഥി ഇല്ലാതായാത്. കഴിഞ്ഞ തവണ കണ്ണൂര്‍ ജില്ലയില്‍ ബിജെപിക്ക് ഏറ്റവുമധികം വോട്ട്.
