സംസ്ഥാനത്തെ തീയേറ്ററുകളിൽ സെക്കൻഡ് ഷോ ഇന്ന് മുതൽ
സംസ്ഥാനത്തെ സിനിമാ തിയേറ്ററുകളില്‍ സെക്കന്‍ഡ് ഷോ നടത്താന്‍ സര്‍ക്കാര്‍ അനുമതിയായി. ഉച്ചയ്ക്ക്‌ 12 മുതല്‍ രാത്രി 12 വരെ പ്രദര്‍ശനം നടത്താമെന്നാണ് പുതിയ ഉത്തരവില്‍ പറയുന്നത്. ഇന്ന് മുതല്‍ സെക്കന്‍ഡ് ഷോകള്‍ അനുവദിക്കും.
ഫിലിം ചേംബര്‍ പ്രതിനിധികള്‍ ചീഫ് സെക്രട്ടറിയുമായി നടത്തിയ ചര്‍ച്ചയെ തുടര്‍ന്നാണ് നടപടി. എന്നാല്‍ 50 ശതമാനം സീറ്റുകളില്‍ മാത്രം പ്രവേശനം എന്ന തീരുമാനത്തില്‍ മാറ്റമില്ല.
നേരത്തേ രാവിലെ ഒമ്പതുമുതല്‍ രാത്രി ഒമ്പതുവരെയായിരുന്നു അനുമതിയുണ്ടായിരുന്നത്.
