തിരുവനന്തപുരത്ത് രണ്ടിടങ്ങളിൽ സമൂഹവ്യാപനം
തിരുവനന്തപുരത്തെ രണ്ട് പ്രദേശങ്ങളിൽ സമൂഹവ്യാപനം ആരംഭിച്ചെന്ന് മുഖ്യമന്ത്രി പിണറായി വിജയൻ അറിയിച്ചു. പൂന്തുറ, പുല്ലുവിള പ്രദേശങ്ങളിലാണ് സമൂഹവ്യാപനം ആരംഭിച്ചത്.
പുല്ലുവിളയിൽ ശേഖരിച്ച 97 സാമ്പിളുകളിൽ 51 എണ്ണവും കോവിഡ് പോസിറ്റീവ് ആയി. പൂന്തുറയിൽ പരിശോധനയ്ക്കു വിധേയരായ 50 ൽ 26 പേർക്കും കോവിഡ് സ്ഥിരീകരിച്ചു. പുക്കോശിയിൽ 75 പേരുടെ പരിശോധനയിൽ 20 പോസിറ്റീവ് കേസുകളാണ് കണ്ടെത്തിയത്. അഞ്ചുതെങ്ങിൽ പരിശോധിച്ച 83 സാമ്പിളുകളിൽ 15 എണ്ണവും കോവിഡ് പോസിറ്റീവായി. രോഗ വ്യാപനം തീവ്രമായതിന്റെ ലക്ഷണമാണിതെന്നും മുഖ്യമന്ത്രി ചൂണ്ടിക്കാട്ടി.