വാല്‍വുള്ള എന്‍95 മാസ്കുകള്‍ കൊവിഡിനെ തടയില്ലെന്ന്‍ കേന്ദ്രം
ന്യൂഡല്‍ഹി: വാല്‍വുള്ള എന്‍95 മാസ്കുകള്‍ കോവിഡിനെ തടയാന്‍ ഫലപ്രദമല്ലെന്നും തുണികൊണ്ടുള്ള മാസ്‌ക് ധരിച്ചാല്‍ മതിയെന്നും കേന്ദ്ര ആരോഗ്യമന്ത്രാലയം അറിയിച്ചു.
ഇക്കാര്യമറിച്ച്‌ കേന്ദ്രം സംസ്ഥാനങ്ങള്‍ക്കും കേന്ദ്രഭരണപ്രദേശങ്ങള്‍ക്കും കത്ത് നല്‍കി. നേരത്തെ എന്‍95 മാസ്കുകള്‍ ഉപയോഗിക്കേണ്ടത് ആരോഗ്യപ്രവര്‍ത്തകര്‍ മാത്രമാണെന്ന് കേന്ദ്രം മാര്‍ഗ നിര്‍ദേശം ഇറക്കിയിരുന്നു.
എന്നാല്‍ സാധാരണക്കാര്‍ എന്‍95 മാസ്കുകള്‍ ഉപയോഗിക്കുന്നത് വ്യാപകമായതിനെ തുടര്‍ന്നാണ് കേന്ദ്രം നിര്‍ദ്ദേശം വീണ്ടും ഓര്‍മിപ്പിച്ചത്.
