ലോകത്ത് കോവിഡ് ബാധിതര് 76 ലക്ഷത്തിലേക്ക്
![](https://www.newswings.online/wp-content/uploads/2020/05/corona2-5.jpg)
വാഷിംഗ്ടണ് ഡിസി: ലോകത്ത് കോവിഡ് ബാധിതര് 76 ലക്ഷത്തിലേക്ക്. വെള്ളിയാഴ്ച രാവിലെ വരെയുള്ള കണക്കു പ്രകാരം 7,588,705 പേരാണു രോഗബാധിതര്. മരണസംഖ്യ നാലര ലക്ഷത്തിലേക്ക് അടുക്കുകയാണ്. വിവിധ രാജ്യങ്ങളിലായി 423,673 പേര്ക്കു ജീവന് നഷ്ടമായി. 3,839,321 പേര് രോഗമുക്തി നേടി.
കോവിഡ് ബാധിതരുടെ എണ്ണത്തില് ലോകത്ത് ഇന്ത്യ നാലാം സ്ഥാനത്തെത്തി. 8102 പേരാണ് ഇതുവരെ രോഗം ബാധിച്ച് മരിച്ചത്.അതിനിടെ ഒരു ദിവസം സ്ഥിരീകരിക്കുന്ന ഏറ്റവും കൂടിയ രോഗ, മരണ നിരക്കാണ് കഴിഞ്ഞ 24 മണിക്കൂറില് റിപ്പോര്ട്ട് ചെയ്തത്. നിലവില് ആക്ടീവ് കേസുകള് 1,37,448 ആണ്. 1,41,029 പേര്ക്ക് അസുഖം ഭേദമായി. രോഗമുക്തി നിരക്ക് 49.21 ശതമാനവും മരണനിരക്ക് 2.8 ശതമാനവുമാണ്.
അമേരിക്ക തന്നെയാണ് രോഗികളുടെ എണ്ണത്തിലും മരണത്തിലും മുന്നില്. അമേരിക്കയില് കോവിഡ് മരണം 1.16 ലക്ഷത്തിലേക്ക്. ദിനംപ്രതി നൂറുകണക്കിന് ആളുകളാണ് ഇവിടെ കോവിഡ് ബാധിച്ച് മരണത്തിന് കീഴടങ്ങുന്നത്. വ്യാഴാഴ്ച 862 പേര്ക്കാണ് അമേരിക്കയില് കോവിഡ്മൂലം ജീവന് നഷ്ടമായത്. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 1,15,992 ആയി.
വ്യാഴാഴ്ച 21,609 പുതിയ കോവിഡ് കേസുകളാണ് റിപ്പോര്ട്ട് ചെയ്തത്. ഇതോടെ അമേരിക്കയിലെ കോവിഡ് ബാധിതരുടെ എണ്ണം 20,88,010 ആയി ഉയര്ന്നു. രാജ്യത്ത് ഇതുവരെ 8,13,497 പേരാണ് രോഗമുക്തി നേടിയത്. 11,58,521 പേര് ഇപ്പോഴും ചികിത്സയിലാണ്.