സംസ്ഥാനത്ത് ട്രെയിൻ യാത്ര ആകാമെന്ന് മുഖ്യമന്ത്രി : റിട്ടേൺ ടിക്കറ്റ് അടക്കം വരുന്നവർക്ക് ക്വാറന്റൈൻ നിർബന്ധമാക്കില്ല
തിരുവനന്തപുരം: സംസ്ഥാനത്ത് ട്രെയിൻ യാത്ര ആകാമെന്ന് മുഖ്യമന്ത്രി പിണറായി വിജയൻ. റിട്ടേൺ ടിക്കറ്റ് അടക്കം വരുന്നവർക്ക് ക്വാറന്റൈൻ നിർബന്ധമാക്കില്ലെന്നും അദ്ദേഹം പറഞ്ഞു.
ജനശതാബ്ദി തിങ്കളാഴ്ച പുറപ്പെട്ടത് കോഴിക്കോട്ട് നിന്നാണ്. കണ്ണൂരിൽ നിന്നുള്ള യാത്രക്കാരുടെ യാത്ര മുടങ്ങിയത് റെയിൽവേയുടെ ശ്രദ്ധയിൽപെടുത്തുമെന്നും മുഖ്യമന്ത്രി വാർത്താസമ്മേളനത്തിൽ പറഞ്ഞു.
ഗൾഫിൽ നിന്ന് ചാർട്ടേഡ് വിമാനത്തിൽ ആളെയെത്തിക്കുന്നതിന് ചിലർ കൂടുതൽ പണമീടാക്കുന്നതായി പരാതിയുണ്ട്. കേന്ദ്രം ഇപ്പോൾ നിശ്ചയിച്ച യാത്രാക്കൂലിയിൽ വർധിക്കരുത്. മുൻഗണനാ വിഭാഗത്തെ പരിഗണിക്കണമെന്നും മുഖ്യമന്ത്രി പറഞ്ഞു.