കോവിഡ് വൈറസ് ഉടൻ ഇല്ലാതാകില്ല, തീവ്രത എപ്പോൾ കുറയുമെന്നറിയില്ല: മുഖ്യമന്ത്രി
![](https://www.newswings.online/wp-content/uploads/2019/01/pinarayi-vi.jpg)
തിരുവനന്തപുരം: കോവിഡ് വൈറസ് ഉടൻ ഇല്ലാതാകില്ലെന്നു മുഖ്യമന്ത്രി പിണറായി വിജയൻ. തിരുവനന്തപുരത്ത് വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. രോഗവ്യാപന തീവ്രത എപ്പോൾ കുറയുമെന്നറിയില്ലെന്നും മുഖ്യമന്ത്രി ചൂണ്ടിക്കാട്ടി.
ദീർഘദൂര ട്രെയിനുകളിൽ വന്നിറങ്ങുന്നവർ പരിശോധനാ സംവിധാനത്തെ കബളിപ്പിക്കുന്ന രീതി കണ്ടുവരുന്നുണ്ട്. ദീർഘദൂര ട്രയിനുകളിൽ വന്നിറങ്ങിയ ചിലർ സ്റ്റേഷനുകളിൽ തങ്ങുകയും തുടർന്ന് മറ്റൊരു ട്രെയിനിൽ കയറി സ്വന്തം നാട്ടിലെത്തുകയും ചെയ്യുന്നു. പരിശോധകരുടെ കണ്ണുവെട്ടിക്കുകയാണ് ഇവർ ചെയ്യുന്നത്. ഇത്തരക്കാർ പരിശോധനാ സംവിധാനത്തെയല്ല, സ്വന്തം സഹോദരങ്ങളെയാണു തോൽപ്പിക്കുന്നതെന്നും അദ്ദേഹം പറഞ്ഞു.
പുറത്തുനിന്നു വരുന്നവരിൽ ആർക്കെങ്കിലും രോഗബാധയുണ്ടെങ്കിൽ സമൂഹത്തിന് വലിയ വിലയാണ് കൊടുക്കേണ്ടിവരുന്നത്. ഇത്തരം നടപടികൾ ഒരുതരത്തിലും സ്വീകരിക്കരുതെന്നും മുഖ്യമന്ത്രി പറഞ്ഞു.