ഇന്നലെ എത്തിയ പ്രവാസികളിൽ ഏഴ് പേർക്ക് കൊവിഡ് രോഗ ലക്ഷണങ്ങൾ ; ഇവരെ ആശുപത്രിയിൽ പ്രവേശിപ്പിച്ചു
![](https://www.newswings.online/wp-content/uploads/2019/03/kochi-airport.jpg)
കേരളത്തിൽ ഇന്നലെ എത്തിയ പ്രവാസികളിൽ ഏഴ്പേരെ കൊവിഡ് രോഗ ലക്ഷണങ്ങൾ കണ്ടെത്തിയതിനെ തുടർന്ന് ഐസൊലേഷനിലേക്ക് മാറ്റി. ദോഹയിൽ നിന്ന് കരിപ്പൂരിലെത്തിയ ഒരാൾക്കും,അബുദാബിയിൽ നിന്ന് കൊച്ചിയിലെത്തിയ ആറ് പേർക്കും മാണ് രോഗലക്ഷണംകണ്ടെത്തിയത്. കൊച്ചിയിലെത്തിയവരെ കളമശ്ശേരി മെഡിക്കൽ കോളേജിലേക്കും കരിപ്പൂരിലെത്തിയാളെ കോഴിക്കോട് മെഡിക്കൽ കോളേജിലേക്കും മാറ്റി. ആരോഗ്യ പരിശോധനയിൽ രോഗബാധയുണ്ടെന്ന സംശയം തോന്നിയ 5 പേരെ അബുദാബി വിമാനത്താവളത്തിൽ നിന്ന് തിരിച്ചയച്ചിരുന്നു.
അബുദാബിയില് നിന്നും രണ്ട് കൈക്കുഞ്ഞുങ്ങളുള്പ്പെടെ 175 യാത്രക്കാരുമായാണ് എയർ ഇന്ത്യ എക്സ്പ്രസ് വിമാനം നെടുമ്പാശ്ശേരിയിലെത്തിയത്. ഇന്ന് ദമാമില് നിന്നും ക്വാലാലംപൂരില് നിന്നുമുള്ള രണ്ട് വിമാനങ്ങള് കൂടി കൊച്ചിയിലെത്തും.