സംസ്ഥാനത്ത് തിരിച്ചറിയാൻ കഴിയാത്ത 239 കോവിഡ് രോഗികളുണ്ടെന്ന പഠനത്തെ തള്ളി മുഖ്യമന്ത്രി
തിരുവനന്തപുരം: സംസ്ഥാനത്ത് തിരിച്ചറിയാൻ കഴിയാത്ത 239 കോവിഡ് രോഗികളുണ്ടെന്ന പഠനത്തെ തള്ളി മുഖ്യമന്ത്രി പിണറായി വിജയൻ. ഊഹത്തിന്റെ അടിസ്ഥാനത്തിലുള്ളതാണിതെന്നും ഊഹാപോഹങ്ങൾ പ്രചരിപ്പിക്കുന്നതിനെ പഠനം എന്ന് പേരിടുന്നത് ശരിയല്ലെന്നും മുഖ്യമന്ത്രി പറഞ്ഞു.
പഠനങ്ങളെ ബഹുമാനിക്കുന്നവരാണ് മലയാളികൾ. എന്നാൽ ഈ പറയുന്ന പഠനത്തിന് യാതൊരു അടിസ്ഥാനവുമില്ല. വെറും ഊഹത്തിന്റെ അടിസ്ഥാനത്തിലുള്ളതാണ്. ഊഹംവച്ചുള്ള ഊഹാപോഹങ്ങൾ പ്രചരിപ്പിക്കുന്നതിനെ പഠനം എന്ന് പേരിടുന്നത് ശരിയല്ല. ഒരു വസ്തുതയുടെ പിൻബലവും അക്കാര്യത്തിലില്ലെന്നും മുഖ്യമന്ത്രി വ്യക്തമാക്കി.