ആത്മ നിര്ഭര് ഭാരത് നാലാംഘട്ട പ്രഖ്യാപനം: സമ്പദ്വ്യവസ്ഥയില് ഘടനപരമായ മാറ്റം കൊണ്ടു വരുമെന്ന് ധനമന്ത്രി
![](https://www.newswings.online/wp-content/uploads/2019/09/BL29P3NIRMALA.jpg)
ന്യൂഡല്ഹി: നിരവധി മേഖലകള്ക്ക് നയലഘൂകരണം ആവശ്യമെന്ന് ധനമന്ത്രി നിര്മ്മല സീതാരാമന് പറഞ്ഞു. വളര്ച്ചയ്ക്ക് ഇത് ആവശ്യമാണെന്നും മന്ത്രി വ്യക്തമാക്കി. സ്വാശ്രയ ഭാരതം സാമ്പത്തിക പാക്കേജിന്റെ നാലാംഭാഗം പ്രഖ്യാപിക്കുകയായിരുന്നു ധനമന്ത്രി. ഇന്ന് എട്ട് മേഖലകളിലാണ് പ്രഖ്യാപനം. ഉല്പാദനം, തൊഴില് സാധ്യതകള്, നിക്ഷേപം തുടങ്ങിയവ വര്ദ്ധിക്കുന്നതിന് ഉതകുന്നതായിരിക്കും പരിഷ്കാരങ്ങള്.
ഇന്ത്യന് സമ്പദ്വ്യവസ്ഥയില് ഘടനാപരമായ മാറ്റം കൊണ്ടുവരുമെന്ന് ധനമന്ത്രി പറഞ്ഞു. സ്വയംപര്യപ്തമായ ഒരു രാജ്യം സൃഷ്ടിക്കുകയാണ് ലക്ഷ്യം. കടുത്ത മല്സരത്തിനായി എല്ലാവരും തയാറെടുക്കണം. എട്ട് മേഖലകളിലെ പരിഷ്കരണങ്ങള്ക്കാണ് ഊന്നല് നല്കുന്നതെന്നും അവര് പറഞ്ഞു.
കല്ക്കരി ഘനനം, ധാതുക്കള്, പ്രതിരോധ ഉല്പന്ന നിര്മ്മാണം, വിമാനത്താവളങ്ങളും വ്യോമയാന മേഖലയും, കേന്ദ്രഭരണ പ്രദേശങ്ങളിലെ വൈദ്യുത വിതരണം, ബഹിരാകാശം, ആണവമേഖല എന്നിവയിലാണ് ഘടനാപരമായ മാറ്റങ്ങള് കൊണ്ടു വരികയെന്നും നിര്മ്മല സീതാരാമന് വ്യക്തമാക്കി.