കോവിഡ് 19: രൂപയുടെ മൂല്യം കുത്തനെയിടിഞ്ഞു
മുംബൈ: കോവിഡ് 19 സംബന്ധിച്ച ആശങ്കകള്‍ രൂപയുടെ വിനിമയ മൂല്യത്തേയും സ്വാധീനിക്കുന്നു. ഡോളറിനെതിരെ രൂപയുടെ വിനിമയ മൂല്യം 70 പൈസ ഇടിഞ്ഞ് 74.34 രൂപയായി. ഡോളറിനെതിരെ 73.34ലാണ് രൂപ വ്യാപാരം ആരംഭിച്ചത്. പിന്നീട് വീണ്ടും ഇടിവ് രേഖപ്പെടുത്തുകയായിരുന്നു.
വിദേശ നിക്ഷേപകര്‍ കൂട്ടത്തോടെ രാജ്യത്തെ ഓഹരികളും കറന്‍സികളും ഉപേക്ഷിച്ചത് രൂപയെ കാര്യമായി ബാധിച്ചു . ഇന്ന് വൈകീട്ട് പുറത്തുവരാനിരിക്കുന്ന റീട്ടെയില്‍ പണപ്പെരുപ്പം, ഫാക്ടറി ഡാറ്റ തുടങ്ങിയവ കാത്തിരിക്കുകയാണ് നിക്ഷേപകര്‍.
