കാട്ടാക്കട കൊലപാതകം: ഒരാള് കൂടി പിടിയില്
തിരുവനന്തപുരം: സ്വന്തം സ്ഥലത്തെ മണ്ണെടുപ്പ് തടഞ്ഞ യുവാവിനെ മണ്ണുമാന്തി യന്ത്രം കൊണ്ട് ഇടിച്ച് കൊലപ്പെടുത്തിയ സംഭവത്തില് ഒരാള് കൂടി പൊലീസ് പിടിയില്. മണ്ണുമാന്തി യന്ത്രത്തിന്റെ ഉടമ സജുവാണ് പിടിയിലായത്.
ഇയാളെ പോലീസ് സംഘം ചോദ്യം ചെയ്തു വരുന്നു. അറസ്റ്റ് തിങ്കളാഴ്ച വൈകിട്ട് രേഖപ്പെടുത്തും. ഇതോടെ കേസിലെ പ്രതികളെല്ലാം പിടിയിലായി.
കാട്ടാക്കടയ്ക്കടുത്ത് അമ്പലത്തിന്കാല കാഞ്ഞിരംമൂട്ടില് ശനിയാഴ്ച പുലര്ച്ചെ രണ്ടരയോടെയായിരുന്നു സംഭവം. അമ്പലത്തിന്കാല കാഞ്ചിരവിള ശ്രീമംഗലം വീട്ടില് സംഗീത് (40)ആണു കൊല്ലപ്പെട്ടത്. സംഗീതിന്റെ പുരയിടത്തില്നിന്നു മണ്ണ് കടത്താന് ജെസിബിയുമായി എത്തിയ സംഘം മണ്ണ് കൊണ്ടുപോകുന്നത് സം ഗീത് തടഞ്ഞതിനെത്തുടര്ന്നുണ്ടായ തര്ക്കത്തിനിടെ ജെസിബിയുടെ കൈ കൊണ്ട് സംഗീതിനെ അടിച്ചു വീഴ്ത്തുകയായിരുന്നു. വിദേശത്തായിരുന്ന സംഗീത് ഇപ്പോള് നാട്ടില് ചിക്കന് സ്റ്റാള് നടത്തുകയായിരുന്നു.
സംഗീത് വ്യാപാരാവശ്യത്തിന് പോയിരുന്ന സമയത്തായിരുന്നു രണ്ടു ടിപ്പറും ജെസിബിയുമായി എത്തിയ സംഘം മണ്ണെ ടുക്കാന് തുടങ്ങിയത്. ഭാര്യ ഫോണില് വിളിച്ചറിയിച്ചതിനെ തുടര്ന്നു സ്ഥലത്തെത്തിയ സംഗീത് മണ്ണെടുക്കുന്നത് തടയാന് ശ്രമിച്ചപ്പോഴായിരുന്നു ആക്രമണം. സംഗീതിന്റെ വാരിയെല്ല് പൂര്ണമായും തകര്ന്നിരുന്നു.