കളിയിക്കാവിള കൊലപാതകം: മുഖ്യപ്രതികള് പിടിയിലായതായി സൂചന
തിരുവനന്തപുരം: കളിയിക്കാവിള കൊലപാതക കേസിലെ മുഖ്യപ്രതികള് പിടിയിലായതായി സൂചന. മുഖ്യപ്രതികളായ അബ്ദുള് ഷമീറിനെയും തൗഫീക്കിനെയും കര്ണാടകയിലെ ഉഡുപ്പിയില് നിന്ന് പൊലീസ് പിടികൂടിയതായാണ് റിപ്പോര്ട്ട്.
പ്രതികള്ക്ക് വേണ്ടി തമിഴ്നാട് ക്യൂ ബ്രാഞ്ചും പ്രത്യേക അന്വേഷണസംഘവും അന്വേഷണം ഊര്ജ്ജിതമാക്കിയിരുന്നു. പ്രതികള്ക്ക് തോക്ക് കൈമാറിയത് മുംബൈയില് വെച്ചാണെന്ന് നേരത്തെ പിടിയിലായ ഇജാസ് പാഷ പൊലീസിനോട് പറഞ്ഞിരുന്നു. ഇജാസിന്റെ മൊഴിയുടെ അടിസ്ഥാനത്തില് പൊലീസ് കേരളം, കര്ണാടക, തമിഴ്നാട് സംസ്ഥാനങ്ങളില് നിരീക്ഷണം ശക്തമാക്കിയിരുന്നു.