ഡൽഹിയിൽ വെടിവെപ്പിൽ മൂന്ന് പേർക്ക് പരിക്ക്
ഡൽഹിയിലെ അലിപുരിൽ അജ്ഞാത സംഘം നടത്തിയ വെടിവയ്പിൽ മൂന്ന് പേർക്ക് പരിക്ക്. ഞായറാഴ്ച നാല് പേരടങ്ങുന്ന സംഘമാണ് വെടിയുതിർത്തത്.
നവീൻ, അദ്ദേഹത്തിന്റെ ഭാര്യ സംഗീത, ജസ്റാം എന്നിവർക്കാണ് പരിക്കേറ്റത്. ദന്പതികൾ കാർ സർവീസ് ചെയ്യുന്നതിനായി അലിപുരിലെ കടയിൽ എത്തിയപ്പോഴാണ് വെടിവയ്പുണ്ടായത്. നവീന്റെ പേരിൽ ക്രിമിനൽ കേസുകൾ ഉള്ളതായി പോലീസ് പറഞ്ഞു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.