മരടിലെ ഫ്ലാറ്റ്: ഉടമകള്ക്ക് സാധനങ്ങള് ഇന്നു കൂടി നീക്കാം
കൊച്ചി: സുപ്രീംകോടതി വിധിയെത്തുടര്ന്ന് പൊളിക്കാനിരിക്കുന്ന മരടിലെ ഫ്ളാറ്റുകളിലെ ഉടമകള്ക്ക് തങ്ങളുടെ പേരിലുണ്ടായിരുന്ന ഫ്ളാറ്റുകളില് നിന്ന് സാധനങ്ങള് നീക്കം ചെയ്യുന്നതിനുള്ള സമയം ഇന്നവസാനിക്കും. രാവിലെ ഏഴ് മണിമുതല് വൈകിട്ട് അഞ്ച് മണിവരെ മരട് നഗരസഭ ഉദ്യോഗസ്ഥരുടെ സാന്നിധ്യത്തില് സാധനങ്ങള് മാറ്റാനാണ് അനുമതി. ഇത് പ്രകാരം ഉടമകള് ഫ്ലാറ്റുകളില് നിന്ന് സാധനങ്ങള് നീക്കി തുടങ്ങി.
നീക്കാവുന്ന വസ്തുക്കളായ (മൂവബ്ള്) ഫര്ണിച്ചര്, എയര്കണ്ടീഷണര്, വാഷിങ് മെഷീന്, ഫാന്, ലൈറ്റ് ഫിറ്റിങ്, ടാപ്പുകള്, ബാത്ത് റൂം, അടുക്കള കബോര്ഡുകള്, പുസ്തകങ്ങള്, തയ്യല് മെഷീന്, ട്രെഡ് മില്, തുടങ്ങിയവയാണ് എടുക്കാനാവുക. അസോ. ഉടമസ്ഥതയിലുള്ള പൊതു ട്രാന്സ്ഫോര്മര്, ഫയര് ഹോസ്, പൈപ്പ്, ജനറേറ്ററും കണ്ട്രോള് പാനലും, സോഫ, എ.സി, സി.സി.ടി.വി ഉപകരണങ്ങള്, ജിം യൂനിറ്റ്, കംപ്യൂട്ടര്, ഫര്ണിച്ചറുകള്, ലിഫ്റ്റ് ആക്സസറീസ്, കേബ്ള്, തുടങ്ങിയവയും നീക്കം ചെയ്യാം.