മഴ: കാസര്ഗോഡ് ജില്ലയിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി
കാസര്ഗോഡ്: മഴ ശക്തമായി തുടരുന്ന സാഹചര്യത്തില് കാസര്ഗോഡ് ജില്ലയിലെ വിദ്യാഭ്യാസ സ്ഥാപനങ്ങള്ക്കു വെള്ളിയാഴ്ച (25.10.19) അവധി നല്കി. ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കാണ് ജില്ലാ കളക്ടര് അവധി പ്രഖ്യാപിച്ചത്. ശക്തമായ കാറ്റിനും മഴയ്ക്കും സാധ്യതയുള്ളതായാണ് കാലാവസ്ഥാ നിരീക്ഷണവകുപ്പ് അറിയിച്ചിരിക്കുന്നത്.
അറബിക്കടലിലും ബംഗാള് ഉള്ക്കടലിലും രൂപപ്പെട്ട ന്യൂനമര്ദങ്ങളുടെ പ്രഭാവം മൂലം ശക്തമായ ചുഴലിക്കാറ്റായി രൂപംപ്രാപിച്ച് കര്ണാടക തീരത്തേക്ക് അടിക്കുമെന്ന് മുന്നറിയിപ്പുണ്ട്. ശക്തമായ കാറ്റും മഴയുമുണ്ടായതിനാല് ദക്ഷിണ കന്നഡ ജില്ലയില് വെള്ളിയാഴ്ച റെഡ് അലര്ട്ട് പ്രഖ്യാപിച്ചിട്ടുണ്ട്. പ്ലസ് ടു വരെയുള്ള വിദ്യാഭ്യാസ സ്ഥാപനങ്ങള്ക്കും ഇന്ന് ജില്ലാ ഡെപ്യൂട്ടി കമ്മീഷണര് അവധിയും നല്കിയിരുന്നു.