വാളയാര് കേസ് അട്ടിമറിച്ചത് മനുഷ്യത്വമില്ലായ്മ: പ്രതിഷേധവുമായി ഉണ്ണിമുകുന്ദന്
കൊച്ചി: കൊച്ചി: വാളായറിൽ സഹോദരിമാരായ രണ്ടു പെൺകുട്ടികൾ പീഡനത്തിനിരയായി കൊല്ലപ്പെട്ട കേസിലെ പ്രതികളെ വെറുതെ വിട്ടതിനെതിരെ ശക്തമായ പ്രതിഷേധം ഉയരുകയാണ്. പൊലീസ് അന്വേഷണത്തിലെ വീഴ്ച്ചയ്ക്കെതിരായ പ്രതിഷേധത്തിൽ അണിചേർന്ന് നടൻ ഉണ്ണി മുകുന്ദനും രൂക്ഷ പ്രതികരണവുമായി രംഗത്തെത്തി. കേസിലെ പ്രതികള്ക്ക് മാതൃകാപരമായി ശിക്ഷ നല്കി ഇത്തരക്കാര്ക്ക് പാഠമാകേണ്ട കേസുകള് അട്ടിമറിക്കപ്പെടുന്നത് എന്തിന്റെ പേരിലായാലും മനുഷ്യത്വമില്ലായും നീതി നിഷേധവുമാണെന്ന് ഉണ്ണി മുകുന്ദന് ഫേസ്ബുക്ക് പോസ്റ്റില് കുറിച്ചു.
ഫെയ്സ് ബുക്ക് പോസ്റ്റിന്റെ പൂര്ണ്ണരൂപം
തിരിച്ചറിവില്ലാത്ത പ്രായത്തിലുള്ള വാളയാറിലെ സഹോദരിമാരായ രണ്ടു പെണ്കുട്ടികള്, അതും 13 , 9 വയസ്സുള്ളവര് , തങ്ങള്ക്ക് എന്താണ് സംഭവിച്ചെതെന്നു പോലും തിരിച്ചറിയാന് കഴിയാതെ ഈ ലോകത്തോട് വിട പറഞ്ഞു പോയപ്പോള് പിന്നീട് ഈ സമൂഹത്തിനും നിയമ വ്യവസ്ഥക്കും ആ പിഞ്ചു കുഞ്ഞിങ്ങളോട് കാണിക്കാന് കഴിയുന്ന ഏക മനുഷ്യത്വം നീതിയും എന്ന് പറയുന്നത് ഈ ദാരുണ സംഭവത്തിന് കാരണക്കാരായ വേട്ട മൃഗത്തിന് സമാനമായ മനസ്സും മനുഷ്യ ശരീരവുമായി ജീവിക്കുന്ന കിരാതന്മാരെ അര്ഹിക്കുന്ന ശിക്ഷ നല്കുക എന്നത് മാത്രമാണ്. മാതൃകാപരമായി ശിക്ഷ നല്കി ഇത്തരക്കാര്ക്ക് പാഠമാകേണ്ട കേസുകള് അട്ടിമറിക്ക പെടുന്നത് എന്തിന്റെ പേരിലായാലും മനുഷ്യത്വമില്ലായും നീതി നിഷേധവുമാണ് . ഇത്തരം സംഭവങ്ങള് ആവര്ത്തിക്കാതിരിക്കാന് പ്രതികള്ക്ക് അര്ഹിക്കുന്ന ശിക്ഷ ലഭിക്കുന്നത് വരെ ശക്തമായ പ്രതിഷേധങ്ങള് ഉയര്ന്നു വരേണ്ടത് നമ്മള് ഉള്പ്പെടുന്ന സമൂഹത്തിന്റെ കൂട്ട ഉത്തരവാദിത്തം കൂടിയാണ്.
https://www.facebook.com/371734919568924/posts/2633826360026424/