ആരിഫ് മുഹമ്മദ് ഖാൻ വെള്ളിയാഴ്ച സത്യപ്രതിജ്ഞ ചെയ്യും
തിരുവനന്തപുരം: കേരളാ ഗവർണറായി ആരിഫ് മുഹമ്മദ് ഖാൻ വെള്ളിയാഴ്ച സത്യപ്രതിജ്ഞ ചെയ്യും. മുൻ കേന്ദ്രമന്ത്രി ആരിഫ് ഖാനെ കേരള ഗവർണറായി നിയമിച്ച് രാഷ്ട്രപതി ഞായറാഴ്ചയാണ് വിജ്ഞാപനമിറക്കിയത്. ഗവർണർ ജസ്റ്റിസ് പി. സദാശിവത്തിന്റെ കാലാവധി വ്യാഴാഴ്ചയാണ് അവസാനിക്കുന്നത്.
മുത്തലാക്ക് നിരോധന നിയമത്തിൽ കേന്ദ്രസർക്കാരിനെ പിന്തുണച്ച ആരിഫ് ഖാനെ മോദി ഉൾപ്പടെയുള്ള ബിജെപി നേതാക്കൾ പലതവണ പ്രശംസിച്ചു സംസാരിച്ചിരുന്നു. ജമ്മു കാഷ്മീരിന് പ്രത്യേക പദവി നൽകിയിരുന്ന 370-ാം അനുച്ഛേദം എടുത്തു നീക്കിയ വിഷയത്തിലും ആരിഫ് ഖാൻ മോദി സർക്കാരിനെ പിന്തുണച്ചിരുന്നു.