മെഡിക്കൽ ബന്ദ്: അത്യാഹിത വിഭാഗത്തെ ഒഴിവാക്കുമെന്ന് ഐഎംഎ കേരള ഘടകം
ന്യൂഡൽഹി: മെഡിക്കൽ കമ്മീഷൻ ബില്ലിലെ വിവാദ നിബന്ധനകളിൽ പ്രതിഷേധിച്ച് ഇന്ത്യൻ മെഡിക്കൽ അസോസിയേഷൻ (ഐഎംഎ) വ്യാഴാഴ്ച ദേശീയ വ്യാപകമായി മെഡിക്കൽ ബന്ദ് നടത്തും. സർക്കാർ, സ്വകാര്യ ആശുപത്രികളിലെ അത്യാഹിത വിഭാഗങ്ങൾ മാത്രം പ്രവർത്തിക്കുമെന്നും ഒപി ഉണ്ടാകില്ലെന്നും ഐഎംഎ കേരള ഘടകവും അറിയിച്ചു.
വ്യാഴാഴ്ച രാവിലെ ആറു മുതൽ വെള്ളിയാഴ്ച രാവിലെ ആറുവരെയാണ് സമരം. മെഡിക്കൽ അധ്യാപകരും മെഡിക്കൽ വിദ്യാർഥികളും സമരത്തിൽ പങ്കെടുക്കും. ഐഎംഎ ഉന്നതസമിതി വിവിധ സംസ്ഥാനങ്ങളുടെ അഭിപ്രായം വിലയിരുത്തിയാണ് ദേശ വ്യാപകമായി സമരം നടത്താൻ തീരുമാനിച്ചത്.