അന്തരിച്ച ഡല്ഹി മുന് മുഖ്യമന്ത്രി ഷീല ദീക്ഷിതിന്റെ സംസ്കാരം ഇന്ന്
അന്തരിച്ച ഡല്ഹി മുന് മുഖ്യമന്ത്രിയും പി.സി.സി അധ്യക്ഷയുമായ ഷീല ദീക്ഷിതിന്റെ സംസ്കാരം ഇന്ന്. രാവിലെ കോണ്ഗ്രസ് ദേശീയ ആസ്ഥാനത്ത് പൊതുദര്ശനത്തിന് വെച്ച ശേഷമായിരിക്കും സംസ്കാരം. ഹൃദ്രോഗത്തെ തുടര്ന്ന് ചികിത്സയിലായിരുന്ന ഷീല ദീക്ഷിത് ഇന്നലെയാണ് അന്തരിച്ചത്.
ഇന്ന് രാവിലെ 11.30ഓടെയാകും കോണ്ഗ്രസ് ആസ്ഥാനത്ത് ഷീല ദീക്ഷിത്തിന്റെ മൃതദേഹം പൊതുദര്ശനത്തിന് വെക്കുക. ശേഷം ഉച്ചക്ക് 2.30ക്ക് ഡല്ഹി കശ്മീരി ഗെയ്റ്റിലെ നിഗം ബോദ് ഘാട്ടില് സംസ്കരിക്കും. ഹൃദയാഘാതത്തെ തുടര്ന്ന് അന്തരിച്ച ഷീല ദീക്ഷിതിന് അന്തിമോപചാരം അര്പ്പിക്കാന് ഇന്നലെ തന്നെ പ്രധാനമന്ത്രി നരേന്ദ്രമോദി അടക്കമുള്ള പ്രമുഖര് ഡല്ഹിയിലെ കിഴക്കന് നിസാമുദ്ദീനിലുള്ള വസതിയിലെത്തിയിരുന്നു.