നീറ്റ് പരീക്ഷാഫലം പ്രഖ്യാപിച്ചു ; ആദ്യ 50 പേരിൽ മൂന്ന് മലയാളികൾ
![](https://www.newswings.online/wp-content/uploads/2019/06/neet.jpg)
മെഡിക്കൽ പ്രവേശനത്തിനുള്ള അഖിലേന്ത്യാ ഏകീകൃത (നീറ്റ്) പരീക്ഷാഫലം പ്രഖ്യാപിച്ചു. രാജസ്ഥാൻ സ്വദേശി നളിൻ ഖണ്ഡേവാൽ ഒന്നാം റാങ്ക് കരസ്ഥമാക്കി. 720ൽ 701 മാർക്കാണ് നേടിയത്. റാങ്ക് പട്ടികയിലെ ആദ്യ 50 പേരിൽ മൂന്ന് മലയാളികളും ഉൾപ്പെട്ടു. അതുൽ മനോജ്, ഹൃദ്യ ലക്ഷ്മി ബോസ്, അശ്വിൻ വി.പി എന്നിവരാണ് ആദ്യ അന്പതിൽ ഇടംപിടിച്ചത്. കേരളത്തിൽനിന്നും പരീക്ഷ എഴുതിയ 66.59 ശതമാനം പേരും യോഗ്യത നേടി. മേയ് അഞ്ചിനാണ് നീറ്റ് പരീക്ഷ നടത്തിയത്. 14,10,755 വിദ്യാർഥികളാണ് ഇത്തവണ പരീക്ഷ എഴുതിയത്. ഇതില് 7,97,042 പേർ ഉന്നതപഠനത്തിന് അര്ഹത നേടി.