ഹിമാചൽപ്രദേശിൽ ബസ് കൊക്കയിലേക്ക് മറിഞ്ഞ് 25 യാത്രക്കാർ മരിച്ചു
![](https://www.newswings.online/wp-content/uploads/2019/06/hi.jpg)
ചണ്ഡിഗഡ്: ഹിമാചൽപ്രദേശിലെ കുല്ലുവിൽ ബസ് കൊക്കയിലേക്ക് മറിഞ്ഞ് 25 യാത്രക്കാർ മരിച്ചു. അപകടത്തിൽ നിരവധി പേർക്ക് പരിക്കേറ്റു. വ്യാഴാഴ്ച കുല്ലുവിലെ ബഞ്ചാറിലാണ് അപകടം നടന്നത്. ബഞ്ചാറിൽനിന്ന് ഗഡഗുഷാനിലേക്ക് പോകുകയായിരുന്ന ബസാണ് അപകടത്തിൽപ്പെട്ടത്.
ബസ് 500 അടി താഴ്ചയിലേക്കാണ് പതിച്ചത്. ബസിൽ അമ്പതോളം യാത്രക്കാരാണ് ഉണ്ടായിരുന്നത്. ബസിനുള്ളിൽ ഇടമില്ലാത്തതിനെ തുടർന്ന് നിരവധി പേർ മുകളിൽ കയറിയാണ് യാത്ര ചെയ്തത്. ഇതാണ് അപകടത്തിന്റെ തീവ്രത വർധിപ്പിക്കാൻ ഇടയാക്കിയത്.