കണ്ണൂര് ജില്ലാ കലക്ടറായി ഇനി ടി വി സുബാഷ്; ഇപ്പോഴത്തെ കലക്ടര് മീര് മുഹമ്മദലി ശുചിത്വ മിഷന് ഡയറക്ടറാകും.
![](https://www.newswings.online/wp-content/uploads/2019/06/WhatsApp-Image-2019-06-12-at-8.55.32-PM.jpeg)
കണ്ണൂര്: ഇന്ന് ചേര്ന്ന മന്ത്രി സഭാ യോഗത്തില് സംസ്ഥാനത്തെ വിവിധ കലക്ടര്മാരെ മാറ്റി നിയമിക്കാന് തീരുമാനിച്ചു. കണ്ണൂര്, ആലപ്പുഴ, എറണാകുളം ജില്ലാ കലക്ടര്മാര് മാറി വരുന്നതടക്കം പ്രധാനപ്പെട്ട പല മാറ്റങ്ങളും മന്ത്രി സഭാ യോഗത്തില് തീരുമാനമായി.
മന്ത്രിസഭാ തീരുമാനങ്ങള് കാണാം:
- കെ.എം.ആര്.എല്. മാനേജിംഗ് ഡയറക്ടര് മുഹമ്മദ് ഹനീഷിനെ വ്യവസായ വകുപ്പ് (പി.എസ്.യു) സെക്രട്ടറിയായി മാറ്റി നിയമിക്കാന് തീരുമാനിച്ചു.
- സാംസ്കാരിക വകുപ്പ് സെക്രട്ടറി റാണി ജോര്ജിന് നിലവിലുള്ള ചുമതലകള്ക്കു പുറമെ കേരള സ്റ്റേറ്റ് കോ-ഓപ്പറേറ്റീവ് ബാങ്ക് മനേജിംഗ് ഡയറക്ടറുടെ ചുമതല കൂടി നല്കും.
- പൊതുവിദ്യാഭ്യാസ സെക്രട്ടറി എ. ഷാജഹാന് നിലവിലുള്ള ചുമതലകള്ക്കു പുറമെ സൈനിക ക്ഷേമ വകുപ്പ്, പ്രിന്റിംഗ് ആന്റ് സ്റ്റേഷനറി എന്നിവയുടെ ചുമതല കൂടി നല്കും.
- കൃഷിവകുപ്പ് സ്പെഷ്യല് സെക്രട്ടറി ഡോ. രത്തന് ഖേല്കര്ക്ക് കാര്ഷിക വികസന – കര്ഷകക്ഷേമ വകുപ്പ് ഡയറട്കറുടെ അധിക ചുമതല നല്കാന് തീരുമാനിച്ചു.
- ലാന്റ് ബോര്ഡ് സെക്രട്ടറി സി.എ. ലതയെ ലാന്റ് റവന്യൂ കമ്മീഷണറായി മാറ്റി നിയമിക്കും.
- ലാന്റ് റവന്യൂ ജോയിന്റ് കമ്മീഷണര് യു.വി. ജോസിനെ ലൈഫ് മിഷന് ചീഫ് എക്സിക്യൂട്ടീവ് ഓഫീസറായി മാറ്റി നിയമിക്കാന് തീരുമാനിച്ചു.
- എറണാകുളം കലക്ടര് മുഹമ്മദ് സഫീറുള്ളയെ എസ്.ജി.എസ്.ടി വകുപ്പ് അഡീഷണല് കമ്മീഷണറായി മാറ്റി നിയമിക്കും. വിവരസാങ്കേതിക വിദ്യാ വകുപ്പ് ജോയിന്റ് സെക്രട്ടറിയുടെ അധിക ചുമതലയും അദ്ദേഹം വഹിക്കും.
- കണ്ണൂര് ജില്ലാ കലക്ടര് മീര് മുഹമ്മദ് അലിയെ ശുചിത്വമിഷന് ഡയറക്ടറായി മാറ്റി നിയമിക്കാന് തീരുമാനിച്ചു.
- മലപ്പുറം ജില്ലാ കലക്ടര് അമിത് മീണയെ അനര്ട്ട് ഡയറക്ടറായി മാറ്റി നിയമിക്കും. ലോട്ടറി വകുപ്പ് ഡയറക്ടറുടെ ചുമതല കൂടി അദ്ദേഹം വഹിക്കും.
- അസാപ് ചീഫ് എക്സിക്യൂട്ടീവ് ഓഫീസര് അദീല അബ്ദുള്ളയെ ആലപ്പുഴ ജില്ലാ കലക്ടറായി മാറ്റി നിയമിക്കാന് തീരുമാനിച്ചു.
- ആലപ്പുഴ ജില്ലാ കലക്ടര് എസ്. സുഹാസിനെ എറണാകുളം ജില്ലാ കലക്ടറായി മാറ്റി നിയമിക്കും.
- ഹൗസിംഗ് കമ്മീഷണര് ബി. അബ്ദുള് നാസറിനെ കൊല്ലം ജില്ലാ കലക്ടറായി മാറ്റി നിയമിക്കും.
- സാമൂഹ്യനീതി വകുപ്പ് ഡയറക്ടര് ജാഫര് മാലിക്കിനെ മലപ്പുറം ജില്ലാ കലക്ടറായി മാറ്റി നിയമിക്കാന് തീരുമാനിച്ചു.
- ഐ ആന്റ് പി.ആര്.ഡി. ഡയറക്ടര് ടി.വി. സുഭാഷിനെ കണ്ണൂര് ജില്ലാ കലക്ടറായി മാറ്റി നിയമിക്കാന് തീരുമാനിച്ചു.