സര്ക്കാര് മെഡിക്കല് കോളേജ് ആശുപത്രികളിലെ പിജി ഡോക്ടര്മാര് സമരത്തിലേക്ക്.
![](https://www.newswings.online/wp-content/uploads/2019/06/a388e7f1-istock-894125638-1254x640.jpg)
തിരുവനന്തപുരം: സ്റ്റൈപന്റ് കൂട്ടണമെന്ന് ആവശ്യപ്പെട്ട് സർക്കാർ മെഡിക്കൽ കോളജ് ആശുപത്രികളിലെ പിജി ഡോക്ടർമാരും ഹൗസ് സർജന്മാരും സമരത്തിലേക്ക്. സൂചന സമരത്തിന്റെ ആദ്യഘട്ടമായി വെള്ളിയാഴ്ച ഒപിയും കിടത്തി ചികിത്സയും ബഹിഷ്കരിക്കും. അത്യാഹിത വിഭാഗം, ഐസിയു എന്നിവയെ സമരത്തിൽ നിന്നൊഴിവാക്കും.
ആവശ്യങ്ങൾ അംഗീകരിച്ചില്ലെങ്കിൽ ജൂൺ 20 മുതൽ അനിശ്ചിതകാല സമരം ആരംഭിക്കാനാണ് തീരുമാനം. മെഡിക്കല് വിദ്യാര്ത്ഥികളുടെ പണിമുടക്ക് ആശുപത്രികളുടെ പ്രവര്ത്തനത്തെ സാരമായി ബാധിക്കും. 2015 നുശേഷം പിജി ഡോക്ടര്മാരുടേയും ഹൗസ് സര്ജന്മാരുടേയും സ്റ്റൈപന്റ് വര്ധിപ്പിച്ചിട്ടില്ല.