ഡോ എൻ ആർ മാധവമേനോന് മുഖ്യമന്ത്രിയുടെ അനുശോചനം
അന്തരിച്ച നാഷണൽ ലോ സ്കൂൾ സ്ഥാപക ഡയറക്ടർ ഡോ.എൻ ആർ മാധവമേനോന് മുഖ്യമന്ത്രി അനുശോചനം അറിയിച്ചു.തിരുവനന്തപുരത്തെ ആശുപത്രിയിലായിരുന്നു അന്ത്യം. വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു. സംസ്കാരം ബുധനാഴ്ച ഉച്ചയ്ക്ക് ശാന്തികവാടത്തിൽ. ഭാര്യ: രമാദേവി. മകൻ: രമേശ്.
കൊൽക്കത്തയിലെ നാഷനൽ യൂണിവേഴ്സിറ്റി ഓഫ് ജുഡീഷൽ സയൻസസിന്‍റെ വൈസ് ചാൻസലറായും ഭോപ്പാലിലെ നാഷണൽ ജുഡീഷൽ അക്കാദമിയുടെ ആദ്യ ഡയറക്ടറായും പ്രവർത്തിച്ചു. 2003-ൽ രാജ്യം പത്മശ്രീ നൽകി ആദരിച്ചു. നിയമവുമായി ബന്ധപ്പെട്ട് ഒട്ടേറെ പുസ്തകങ്ങൾ രചിച്ചിട്ടുണ്ട്.
