ബ്രസീലിൽ ബാറിൽ വെടിവയ്പ്; 11 പേർ മരിച്ചു
![](https://www.newswings.online/wp-content/uploads/2019/05/cfdb11f0-bae9-4005-bd40-34c5387c97bd-AFP_AFP_1GO3EF.jpg)
റിയൊഡിഷാനിറോ: ബ്രസീലിൽ അക്രമികൾ ബാറിൽ നടത്തിയ വെടിവയ്പിൽ 11 പേർ കൊല്ലപ്പെട്ടു. ഞായറാഴ്ച ബ്രസീലിന്റെ വടക്കൻ നഗരമായ ബലീമിലായിരുന്നു സംഭവം. ആറ് സ്ത്രീകളും അഞ്ച് പുരുഷൻമാരുമാണ് കൊല്ലപ്പെട്ടത്. ബാറിന്റെ ഉടമയും കൊല്ലപ്പെട്ടു. വെടിവയ്പിനുണ്ടായ കാരണം ഇതുവരെ വ്യക്തമല്ല. മുഖംമൂടി ധരിച്ച് ബൈക്കിലും കാറിലുമെത്തിയ ഏഴു പേരാണ് ആക്രമണം നടത്തിയതെന്ന് പോലീസ് പറയുന്നു. അക്രമികൾ വെടിവയ്പിനു ശേഷം കടന്നുകളഞ്ഞു. ആക്രമണത്തിൽ നിരവധി പേർക്ക് പരിക്കേൽക്കുകയും ചെയ്തു. മയക്കുമരുന്ന് സംഘമാണ് ആക്രമണത്തിനു പിന്നിലെന്നാണ് സ്ഥിരീകരിക്കാത്ത വിവരം.