’99 മാർക്കിന് പകരം നൽകിയത് ആനമൊട്ട ‘ ; സസ്പെൻഷൻ ഏറ്റുവാങ്ങി അധ്യാപിക
99 മാർക്കിനു പകരം വിദ്യാർഥിക്ക് പൂജ്യം മാർക്ക് നൽകിയ അധ്യാപികയ്ക്കു സസ്പെൻഷൻ. തെലങ്കാന ഇന്റർമീഡിയറ്റ് ബോർഡാണ് അധ്യാപികയെ സസ്പെൻഡ് ചെയ്തത്. ഇവർക്കു പിഴ ചുമത്തുകയും ചെയ്തു.
ഉമാ ദേവിക്കെതിരേയാണു ബോർഡ് നടപടി സ്വീകരിച്ചത്. നവ്യ എന്ന 12-ാം ക്ലാസ് വിദ്യാർഥിനിക്കാണ് 99 മാർക്കിനു പകരം ഉമാ ദേവി പൂജ്യം മാർക്ക് നൽകിയത്. ഇവരെ മാനേജ്മെന്റ് ജോലിയിൽനിന്നു പുറത്താക്കുകയും 5000 രൂപ പിഴ ചുമത്തുകയും ചെയ്തു.
പരീക്ഷകളിലെ കൂട്ടത്തോൽവിയെ തുടർന്ന് തെലങ്കാനയിൽ 20 വിദ്യാർഥികൾ ജീവനൊടുക്കിയിരുന്നു. ഇതിനു പിന്നാലെ രക്ഷിതാക്കളും വിദ്യാർഥികളും പ്രതിഷേധവുമായി രംഗത്തെത്തി. ഇതോടെയാണ് ബോർഡ് നടപടികളിലേക്കു കടന്നത്.