വർഗീയ പരാമർശം ; ശ്രീധരൻ പിള്ളയ്ക്ക് ഹൈക്കോടതി നോട്ടീസ്
വർഗീയ ചുവയോടെ പ്രസംഗിച്ച ബിജെപി സംസ്ഥാന അധ്യക്ഷൻ പി.എസ്.ശ്രീധരൻപിള്ളയ്ക്ക് ഹൈക്കോടതി നോട്ടീസ്. സിപിഎം നേതാവ് വി.ശിവൻകുട്ടി നൽകിയ ഹർജിയിലാണ് സിംഗിൾബെഞ്ച് നടപടി. ശ്രീധരൻപിള്ളയ്ക്ക് എതിരെ കേസെടുത്തതായി പോലീസ് കോടതിയെ അറിയിച്ചു.
ആറ്റിങ്ങലിൽ നടത്തിയ മുസ്ലിം വിരുദ്ധ പ്രസംഗവുമായി ബന്ധപ്പെട്ട് ശ്രീധരൻ പിള്ളക്കെതിരെ ആറ്റിങ്ങൽ പോലീസ് നേരത്തെ കേസ് എടുത്തതിരുന്നു. എന്ഡിഎ സ്ഥാനാര്ത്ഥി ശോഭാ സുരേന്ദ്രന്റെ പ്രകടന പത്രിക പുറത്തിറക്കുന്നതിനിടെയിലായിരുന്നു പരാമര്ശം. കേസ് വേനലവധിക്ക് ശേഷം വീണ്ടും പരിഗണിക്കും.
ശ്രീധരൻപിള്ളയുടെ പരാമര്ശം തെരഞ്ഞെടുപ്പ് ചട്ടലംഘനമാണെന്ന് ചൂണ്ടിക്കാട്ടി മുഖ്യ തെരഞ്ഞെടുപ്പ് ഓഫീസര്ക്കും ശിവന്കുട്ടി പരാതി നല്കിയിരുന്നു.