തരൂരിന്റെ പരാതി ; എല്ലാം മാധ്യമ സൃഷ്ടിയെന്ന് ഉമ്മൻ ചാണ്ടി
തിരുവനന്തപുരം മണ്ഡലത്തിലെ കോണ്ഗ്രസ് സ്ഥാനാർത്ഥി ശശി തരൂരിന്റെ തെരഞ്ഞെടുപ്പ് പ്രചാരണത്തിൽ വീഴ്ചയുണ്ടായെന്നത് മാധ്യമ സൃഷ്ടി മാത്രമാണെന്ന് എഐസിസി ജനറൽ സെക്രട്ടറി ഉമ്മൻ ചാണ്ടി. ഇക്കാര്യത്തിൽ തെരഞ്ഞെടുപ്പ് ഫലം വരുന്പോൾ എല്ലാം മനസിലാകുമെന്നും ഉമ്മൻ ചാണ്ടി പറഞ്ഞു.
പ്രചാരണത്തിലെ വീഴ്ച ചൂണ്ടിക്കാട്ടി തരൂർ ആർക്കും പരാതി നൽകിയിട്ടില്ല. തരൂരിന്റെ വിജയം നൂറു ശതമാനം ഉറപ്പാണ്. കോൺഗ്രസ് അവിടെ ഒറ്റക്കെട്ടാണെന്നും ഉമ്മൻ ചാണ്ടി പറഞ്ഞു. മണ്ഡലത്തിലെ ചില സ്ഥലങ്ങളിൽ പ്രചാരണത്തിന് നേതാക്കൾ സജീവമായി പങ്കെടുക്കുന്നില്ലെന്ന് ചൂണ്ടിക്കാട്ടി തരൂർ പരാതി നൽകിയതായാണ് ചില മാധ്യമങ്ങൾ റിപ്പോർട്ട് ചെയ്തിരുന്നത്.