രാഹുൽ ഗാന്ധി മലയാളികൾക്ക് വിഷു ആശംസകൾ നേർന്നു
ലോകമെമ്പാടുമുള്ള മലയാളികള്‍ക്ക് വിഷു ആശംസകള്‍ നല്‍കി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ട്വിറ്ററിലൂടെയാണ് രാഹുല്‍ വിഷു ആശംസകള്‍ അറിയിച്ചത്.
ഇന്നലെ 9 മണി കഴിഞ്ഞ് രാഹുല്‍ ഗാന്ധിയുടെ ട്വിറ്റര്‍ അക്കൌണ്ടില്‍ തെളിഞ്ഞ വിഷു ആശംസയാണിത്. ഏവർക്കും ഐശ്വര്യവും സന്തോഷവും സമ്പദ് സമൃദ്ധിയും നിറഞ്ഞ വിഷുദിനാശംസകൾ എന്നതാണ് പോസ്റ്റിന്‍റെ പൂര്‍ണ്ണ രൂപം.
ഏവർക്കും ഐശ്വര്യവും സന്തോഷവും സമ്പദ് സമൃദ്ധിയും നിറഞ്ഞ വിഷുദിനാശംസകൾ#HappyVishu pic.twitter.com/dSqkkxxPww
— Rahul Gandhi (@RahulGandhi) April 15, 2019
മലയാളികള്‍ പോസ്റ്റിനെ സന്തോഷത്തോടെ സ്വീകരിക്കുകയും ചെയ്തു. രാഹുല്‍ ഗാന്ധിയുടെ പോസ്റ്റിന് തിരിച്ചും ആശംസകളെത്തി. ചിലര്‍ അവിടെയും രാഷ്ട്രീയം മറന്നില്ല. മോദിയെ വിമര്‍ശിക്കാനും മറന്നില്ല. വരുന്ന ലോക്സഭ തെരഞ്ഞെടുപ്പില്‍ കേരളത്തിലെ വയനാട്ടില്‍ നിന്നും രാഹുല്‍ ഗാന്ധി മത്സരിക്കുന്നുണ്ട്.
