ആലപ്പുഴയിൽ വെളിച്ചെണ്ണ ഫാക്ടറിക്ക് തീ പിടിച്ചു
ചുങ്കത്തെ വെളിച്ചെണ്ണ ഫാക്ടറിയിൽ തീപിടിത്തം. വെളിച്ചെണ്ണയും കൊപ്രയുമടക്കം കത്തിനശിച്ചു. ലക്ഷക്കണക്കിനു രൂപയുടെ നാശനഷ്ടമാണ് ഉണ്ടായിരിക്കുന്നത്. ശനിയാഴ്ച പുലർച്ചെ 5.15 ന് ചന്ദ്ര ഓയിൽ മിൽസിലാണ് തീപിടിത്തമുണ്ടായത്.
ഫാക്ടറിക്കു വെളിയിൽ നിർത്തിയിട്ടിരുന്ന ലോറിയും കത്തിനശിച്ചു. ഏഴ് യൂണിറ്റ് ഫയർഫോഴ്സ് എത്തിയാണ് തീയണച്ചത്. സംഭവ സമയം ജീവനക്കാർ ഇല്ലാതിരുന്നതിനാൽ വൻദുരന്തം ഒഴിവായി.