വയനാട്ടിൽ രാഹുൽ ഗാന്ധി തന്നെ ; മത്സരിക്കുമെന്ന് സ്ഥിരീകരിച്ച് മുല്ലപ്പള്ളി
![](https://www.newswings.online/wp-content/uploads/2019/01/mediaone_2019-01_9e40ba40-b737-4c91-8151-8e2909c74d0e_rahul.jpg)
കോണ്ഗ്രസ് അധ്യക്ഷൻ രാഹുൽ ഗാന്ധി വയനാട്ടിൽ മത്സരിക്കുമെന്ന് സ്ഥിരീകരിച്ച് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. വയനാട്ടിൽ മത്സരിക്കണമെന്ന കെപിസിസിയുടെ ആവശ്യം രാഹുൽ അംഗീകരിച്ചുവെന്ന് മുല്ലപ്പള്ളി രാമചന്ദ്രൻ പറഞ്ഞു.
വയനാട്ടിൽ രാഹുൽ മത്സരിക്കണമെന്ന് ഹൈക്കമാൻഡിനെ സംസ്ഥാന നേതൃത്വം അറിയിക്കുകയായിരുന്നു. ഉമ്മൻ ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രൻ എന്നിവർ സംയുക്തമായാണ് ആവശ്യം ദേശീയ നേതൃത്വത്തിന് മുന്നിൽ വച്ചത്.
വടകര, വയനാട് മണ്ഡലങ്ങളിലെ സ്ഥാനാർഥികളെ കോണ്ഗ്രസ് ഹൈക്കമാൻഡ് ഔദ്യോഗികമായി പ്രഖ്യാപിച്ചിട്ടില്ല. ഇതിനിടെയാണ് രാഹുൽ തന്നെ വയനാട്ടിൽ സ്ഥാനാർഥിയാകണമെന്ന ആവശ്യവുമായി കെപിസിസി രംഗത്തെത്തിയിരിക്കുന്നത്.