യു.പി യിൽ ബിജെപി എം പി കോൺഗ്രസിൽ
ഉത്തർപ്രദേശിലെ എത്വയിൽ നിന്നുള്ള ബിജെപി എംപി അശോക് കുമാർ ദോഹ്റെ കോൺഗ്രസിൽ ചേർന്നു. കോൺഗ്രസ് അധ്യക്ഷൻ രാഹുൽ ഗാന്ധിയുടെ സാന്നിധ്യത്തിലാണ് പാർട്ടി അംഗത്വം സ്വീകരിച്ചത്. എത്വയിൽ കോൺഗ്രസ് ടിക്കറ്റിൽ അദ്ദേഹം മത്സരിക്കുമെന്നാണ് റിപ്പോർട്ട്.
അശോക് കുമാർ ദോഹ്റെ 2014ൽ എത്വയിൽ നിന്ന് ജയിച്ച് ലോക്സഭാംഗമായിരുന്നു. എന്നാൽ ഇത്തവണ അദ്ദേഹത്തിന് ബിജെപി സീറ്റ് നിഷേധിച്ചിരുന്നു. എസ്സി/എസ്ടി ചെയർമാനും ആഗ്ര എംപിയുമായ രാം ശങ്കർ കതാരിയയാണ് എത്വയിൽ ബിജെപി സ്ഥാനാർഥി.
തനിക്ക് സീറ്റ് നിഷേധിച്ചതിൽ പ്രതിഷേധിച്ചാണ് ദോഹ്റെ ബിജെപി വിട്ടത്. ദോഹ്റെയെ പാർട്ടിയിൽ എത്തിക്കാൻ കഴിഞ്ഞത് കോൺഗ്രസിന് നേട്ടമാകുമെന്നാണ് വിലയിരുത്തൽ.